પદમજી પેપર પ્રોડક્ટ્સ લિમિટેડે સોમવારે, ૩૦ સપ્ટેમ્બર, ૨૦૨૫ના રોજ પૂરા થયેલા છ મહિનામાં કુલ રૂ. ૪૨૧ કરોડની આવક નોંધાવી હતી, જે ગયા વર્ષના સમાન સમયગાળામાં રૂ. ૪૩૬ કરોડ નોંધાઈ હતી. એબિડ્ટા ૨૦%એ જળવાઈ રહી હતી જે રૂ. ૮૦ કરોડ છે, ગયા વર્ષના સમાન ગાળામાં તે રૂ. ૮૫ કરોડ હતી. ઓછા ઉપાડ અને ચોખ્ખા વેચાણના ઓછા વળતરને કારણે વેચાણના વળતરમાં લગભગ ૨% ઘટાડો થવાને કારણે આવક ઓછી થઈ હતી.
નિયમનકારી આવશ્યકતાઓમાં ફેરફારને કારણે કંપની મહાડ ખાતે બાંધકામ માટે પર્યાવરણીય મંજૂરી માટે અરજી કરવાની પ્રક્રિયામાં છે. દરમિયાન, પેપર મેકિંગ મશીનોના વિદેશી સપ્લાયર્સ સાથે ચર્ચા એડવાન્સ તબક્કામાં છે.
મહારાષ્ટ્રમાં કંપનીનો ૧૫.૪ મેગાવોટનો સોલાર પાવર પ્રોજેક્ટ કાર્યરત થવા માટે તૈયાર છે અને તે માટે MSETCL/MSEDCL તરફથી જરૂરી મંજૂરીઓની રાહ જોવાઈ રહી છે. નવા બોઈલર કમિશનિંગ માટે પણ કાનૂની મંજૂરીની રાહ જોવાઈ રહી છે.
કંપની અવરોધ ગુણધર્મો ધરાવતા વિવિધ બાયોડિગ્રેડેબલ અને કમ્પોસ્ટેબલ સ્પેશિયાલિટી પેપર્સના ઉત્પાદન પર ધ્યાન કેન્દ્રિત કરવાનું ચાલુ રાખે છે જેનો ઉપયોગ વિવિધ ખાદ્ય ઉત્પાદનો, ફાર્માસ્યુટિકલ અને અન્ય ઉત્પાદનો, હોસ્પિટલ સપ્લાય, સ્વચ્છતા ક્ષેત્રો, કન્ફેક્શનરી વગેરે માટે ટકાઉ પેકેજિંગ સોલ્યુશન માટે ઇનપુટ તરીકે થાય છે, જેની માગ વૃદ્ધિ ઊંચી છે.
